საუწყებათაშორისო საბჭო
საქართველოს პრეზიდენტის 2008 წლის 26 დეკემბერის N625 ბრძანებულებით შეიქმნა ოჯახში ძალადობის აღკვეთის ღონისძიებათა განმახორციელებელი საუწყებათაშორისო საბჭო, რომელსაც თავმჯდომარეობს საქართველოს საკონსტიტუციო სასამართლოს მოსამართლე – ლალი ფაფიაშვილი. საბჭოს შემადგენლობაში შედიან შემდეგი უწყებები: საქართველოს შრომის, ჯანმრთელობისა და სოციალური დაცვის სამინისტრო, საქართველოს შინაგან საქმეთა სამინისტრო, საქართველოს საგარეო საქმეთა სამინისტრო, საქართველოს იუსტიციის სამინისტრო, საქართველოს განათლებისა და მეცნიერების სამინისტრო. საბჭოს მუშაობაში მონაწილეობის მიღება ეთხოვათ: გაეროს მოსახლეობის ფონდის (UNFPA), აშშ-ის საერთაშორისო განვითარების სააგენტოს, ფონდ „ტასოს”, საქართველოს პარლამენტის, აშშ-ის საელჩოს, ამერიკის იურისტთა ასოციაციის, საქართველოს სახალხო დამცველის აპარატის, გაეროს ქალთა ფონდის (UNIFEM), გაეროს ბავშვთა ფონდის, ა/ო „სახლის”, საქართველოში ევროკომისიის დელეგაციის, ძალადობისაგან დაცვის ეროვნული ქსელის, გაეროს განვითარების ფონდის (UNDP), საქართველოს ახალგაზრდა იურისტთა ასოციაციისა და საქართველოში მიგრაციის საერთაშორისო ორგანიზაციის წარმომადგენელებს.
საუწყებათაშორისო საბჭოს ძირითადი ამოცანებია ოჯახში ძალადობის აღკვეთა და მის წინააღმდეგ ეფექტური ბრძოლა, ოჯახში ძალადობის ხელშემწყობი მიზეზების აღმოფხვრის თაობაზე წინადადებების შემუშავება, მსხვერპლთა დაცვასა და დახმარებასთან დაკავშირებული საკითხების განხილვის პროცესში მჭიდრო თანამშრომლობა საქართველოს სახელმწიფო უწყებებთან, არასამთავრებო სექტორთან, ამ პრობლემებზე მომუშავე საერთაშორისო და ადგილობრივ ორგანიოზაციებთან და აგრეთვე ოჯახში ძალადობის წინააღმდეგ ბრძოლის სფეროში არსებული მდგომარეობის მონიტორინგი.
მიმაგრებული დოკუმენტი:
ოჯახში ძალადობის აღკვეთის ღონისძიებათა განმახორციელებ საუწყებათაშორისო საბჭოს დებულება
სამოქმედო გეგმა
სამოქმედო გეგმის მიზანია ოჯახში ძალადობის წინააღმდეგ მიმართული ეფექტური ღონისძიებების განხორციელების უზრუნველყოფა შესაბამისი საკანონმდებლო ბაზის დახვეწით და ამ პრობლემის წინააღმდეგ სახელმწიფოს მიერ კომპლექსური ღონისძიებების განხორციელებით. სამოქმედო გეგმა აგრეთვე გულისხმობს ოჯახური ძალადობის პრევენციას, მსხვერპლთა თავშესაფრების შექმნას და სარეაბილიტაციო პროგრამების შემუშავებას, ოჯახში მოძალადეთა რეაბილიტაციის კონცეფციის შემუშავებას, მიზნობრივი ჯგუფებისათვის ტრეინინგების ჩატარებას, ოჯახში ძალადობის შემთხვევების აღრიცხვასა და კლასიფიკაციას, საინფორმაციო-საგანამანათლებლო კამპანიის წარმოებას და სხვა.
სამოქმედო გეგმით გათვალისწინებული სამთავრობო სტრუქტურები ვალდებულები არიან საუწყებათაშორისო საბჭოს სამ თვეში ერთხელ წარუდგინონ სამოქმედო გეგმის განხორციელების შესახებ კვარტალური ანგარიშები.
მიმაგრებული დოკუმენტები:
2009-2010 წლების სამოქმედო გეგმა
2011-2012 წლების სამოქმედო გეგმა
აღნიშნული ფონდი შეიქმნა საქართველოს 2006 წლის „ტრეფიკინგის წინააღმდეგ ბრძოლის შესახებ” კანონის საფუძველზე, რომელიც დამტკიცდა საქართველოს პრეზიდენტის 2006 წლის 18 ივლისის N437 ბრძანებით. 2009 წლის იანვრიდან ფონდის მანდატი გაფართოვდა და იგი უკვე ახორციელებს ოჯახში ძალადობის მსხვერპლთა დაცვასა და მომსახურებას შემდეგი საქმიანობებით:
- ოჯახში ძალადობის მსხვერპლთა თავშესაფრით უზრუნველყოფა;
- ოჯახში ძალადობის მსხვერპლთა იურიდიული, ფსიქოლოგიური, სამედიცინო და/ან სხვა სახის დახმარება;
- ოჯახში ძალადობის მსხვერპლთა რეაბილიტაცია და რეინტეგრაცია;
- ცხელი ხაზი;
ფონდის დაფინანსების ძირითადი წყაროა სახელმწიფო ბიუჯეტი, ასევე საქართველოს კანონმდებლობით ნებადართული სხვა შემოსავლები.
ძალადობა ოჯახში 