ევრაზიის თანამშრომლობის ფონდის გრანტების ძირითად კომპონენტს წარმოადგენს ადგილობრივი სამოქალაქო საზოგადოების ორგანიზაციების მმართველობითი და მენეჯერული შესაძლებლობების განვითარება უმაღლეს საერთაშორისო სტანდარტების დონეზე. იმ თხუთმეტი წლის განმავლობაში, რაც ევრაზიის თანამშრომლობის ფონდი (ყოფილი “ფონდ ევრაზიის საქართველოს წარმომადგენლობა”) საქართველოში მუშაობს, ფონდმა თავის საქმიანობაში ამ კუთხით დიდ წარმატებებს მიაღწია.
კავშირი “საფარი”, რომელიც 2001 წელს დაარსდა, ახდენს ოჯახური ძალადობის მსხვერპლთა რეაბილიტაციას და მართავს ამ სფეროშო საზოგადოების ცნობიერების ამაღლების კამპანიებს. 2004 წლიდან დღემდე, ევრაზიის თანამშრომლობის ფონდი ამ ორგანიზაციას ოთხი გრანტით დაეხმარა. ევრაზიის თანამშრომლობის ფონდის დაფინანსებით, “საფარმა” განახორციელა პროექტები, რომელთა მიზანი იყო ოჯახური ძალადობის შემცირება (რაც მოიცავს დახმარების გაწევას ოჯახური ძალადობის მსხვერპლთათვის), საზოგადოების ცნობიერების ამაღლება ოჯახური ძალადობის პრევენციის შესახებ, პოლიციელების და სოციალური მუშაკების გადამზადება ოჯახური ძალადობის შემთხვევებზე მუშაობისთვის, ასევე “ოჯახური ძალადობის შესახებ” საქართველოს კანონის სრულყოფილად განხორციელების ლობირებისა.
“საფართან” თანამშრომლობის საწყის ეტაპზე, ევრაზიის თანამშრომლობის ფონდმა მოაწყო რამდენიმე ინდივიდუალური კონსულტაცია “საფარის” პერსონალისთვის, ასევე განახორციელა ადგილზე ვიზიტები ორგანიზაციისთვის დახმარების გასაწევად პროგრამული და ფინანსური ანგარიშების მომზადებაში. როგორც ყველა გრანტის შემთხვევაში, ევრაზიის თანამშრომლობის ფონდი “საფართან” ერთად მუშაობდა პროექტების რეალისტური მიზნების, საქმიანობების და შედეგების ჩამოყალიბების მიზნით.
ამას გარდა, ევრაზიის თანამშრომლობის ფონდის მხრიდან ორგანიზაციისთვის გაწეული დახმარების შედეგად “საფარმა” მნიშვნელოვნად განავითარა თავისი შესაძლებლობები გრანტების მოპოვებისა და განხორციელების კუთხით.
“საფარის” თავმჯდომარე ქ-ნი ნატალია ზაზაშვილი, აცნობიერებს ორგანიზაციისთვის ევრაზიის თანამშრომლობის ფონდის დახმარების მნიშვნელობას: “ევრაზიის თანამშრომლობის ფონდისგან” მიღებული დაფინანსებით “საფარი” ორგანიზაციულად გაიზარდა და მნიშვნელოვნად გააუმჯობესა თავისი მენეჯმენტი. ახლა “საფარს” გააჩნია სოლიდური ორგანიზაციული სტრუქტურა, ასევე აქვს ცენტრალური ოფისი და რეგიონული წარმომადგენლობები, რომელთაც გააჩნიათ მიმდინარე საქმიანობების კოორდინაციის ნათელი სისტემა.” ევრაზიის თანამშრომლობის მხრიდან მიღებული დახმარებით, “საფარიმ” ასევე გაზარდა თავის დონორთა ბაზა, რაც გულისხმობს გრანტების მიღებას ჰაინრიხ ბიოლის ფონდისა და შვეიცარიის საელჩოსგან.
ამჟამად “საფარი” “ოჯახური ძალადობის” შესახებ კანონის ხელშეწყობის სამოქმედო გეგმის განხორციელებისათვის ემზადება. თავისი მზარდი ავტორიტეტის წყალობით, “საფარი” “საქართველოს ფსიქო-ტრავმის ასოციაციის” თანადამფუძნებელი გახდა და სხვა არასამთავრობო ორგანიზაციებთან პარტნიორობით საქართველოში ადამიანის უფლებების სახლის გახსნის საკითხზე მუშაობს.
